د عامې روغتیا وزیر، ښاغلي ډاکټر قلندر عباد د بلخ حوزوي روغتون له روغتیايي خدمتونو څخه له نږدې لیدنه ترسره کړه
د عامې روغتیا وزیر، ښاغلي ډاکټر قلندر عباد او ورسره مل پلاوي د بلخ حوزوي روغتون له ټولو چارو څخه له نږدې د لیدنې ترڅنګ د ټولو هغه روغتیايي کارکوونکو څخه چې هېوادوالو ته په صادقانه ډول خدمت ترسره کوي مننه وکړه او روغتیايي کارکوونکي یې د ولس رېښتوني خدمتګاران وبلل.
ښاغلي وزیر همداراز روغتیايي کارکوونکي وهڅول؛ تر څو ناروغانو ته غوره روغتیايي خدمتونه وړاندې او روغتیايي ستونزو ته یې په وخت سره رسېدنه ترسره کړي.
