۲۸ تنو طبي ټکنالوجستانو ته د لابراتوارونو د ظرفیت لوړونې په موخه ۵ ورځنی روزنیز ټریننګ ترسره شو
د عامې روغتیا وزارت اړوند، افغان جاپان او انتاني ناروغیو د درملنې روغتون ۲۸ تنو طبي ټکنالوجستانو ته د لابراتوارونو د ظرفیت لوړونې په موخه ۵ ورځنی روزنیز ټریننګ ترسره شو.
یاد ټریننګ د عامې روغتیا وزارت تشخیصه ریاست اړوند، مرکزي لابراتوارونو آمریت له لوري د روغتیا نړیوال سازمان په همکارۍ د افغان جاپان او انتاني ناروغیو د درملنې روغتونونو ۲۸ تنو ټکنالوجستانو ته د’’ لابراتوار ظرفیت لوړونې” تر عنوان لاندې په لاره اچول شوې وه، چې په دوه دورو کې کې پای ته ورسېده.
د عامې روغتیا وزارت د مرکزي لابراتوارونو آمر، ډاکټر مسعود دلسوز دغه ټریننګ د روغتونونو د طبي ټکنالوجستانو ظرفیت لوړونې په موخه یو اړین ګام وباله او زیاته یې کړه، په دې ټریننګ کې طبي ټکنالوجستانو ته د لابراتوار ظرفیت لوړونې په برخه کې عملي او نظري زده کړې ورکړل شوې، چې په مرسته به یې دوۍ وکولای شي د لابراتوارونو د ظرفیت لوړونې برخه کې نوښتونه رامنځته کړي.
نوموړي همداراز زیاته کړه، د عامې روغتیا وزارت په پام کې لري، چې د ولایتونو طبي ټکنالوجستانو ته هم ورته روزنیز ټریننګونه په لاره واچوي؛ څو په تشخیصیه برخه کې لا اسانتیاوې رامنځته او په کور دننه د ټولو ناروغانو لا معیاري تشخیص ترسره شي.
