کابل ښار کې د یو شمیر خصوصي روغتونونو څخه نظارت تر سره شو
د عامې روغتیا وزارت د هېواد په خصوصي روغتیايي مرکزونو کې د بهرنیو او داخلي ډاکترانو او روغتیايي کارکوونکو د شتون او فعالیت د تنظیم په موخه یوه باصلاحيته کمیټه ټاکلې ده
د عامې روغتیا وزارت د طبي شورا لوی رئیس، ډاکټر فقیر محمد زیار په مشرۍ یوه باصلاحيته کمیټه ټاکلې؛ ترڅو د بهرنیو او داخلي ډاکټرانو، نرسانو او نورو روغتیایي کارکوونکو تحصیلي اسناد، جوازونه او د اقامت سندونه وڅېړي، چې د سرغړونو په صورت کې به قانوني اقدامات تر سره کړي.
د دغې کمیټې له خوا د پیل شوي نظارت په بهیر کې له رایل، رفاه، خیرخوا او کیشا روغتونونو څخه نظارت ترسره شو، چې د کمېټې مسؤلینو له لوي ورته د رسمي جواز اخیستلو او معیاري خدماتو وړاندې کولو په موخه لازمې سپارښتنې وشوې.
دغه نظارتي بهیر به له کابل وروسته نورو ولایتونو کې هم د روغتیایي قوانیو د تطبیق په موخه عملي شي او د مسؤلینو له لوري به له سرغړونکو سره قانوني چلند ترسره کېږي.
