په بامیان او هرات ولایتونو کې له یو شمېر درملتونونو او خوراکي توکو پلورنځیو څخه نظارت تر سره شو
یاد نظارت چې د دغه ولایتونو د څارنې او پلټڼې آمریت له لوري ترسره شوه، پایله کې یې هرات ولایت کې ۲۴ قلمه له نېټې تېر او بې کیفیته درمل او په بامیان ولایت کې ۲۹۶ قلمه خوراکي توکي او ۱۴۱ قلمه له نېټې تېر او بې کیفیته درمل راټول او د له منځه وړلو په موخه مرکزي ګدام ته ولېږدول شول.
د دې ولایتونو د عامې روغتیا مسؤلینو د یادو اقداماتو موخه د خلکو د روغتیا ساتنه او بازار ته د غیر معیاري توکو وړاندې کولو څخه مخنیوی یاد کړ او د خوراکي توکو او درملو له ټولو پلورونکو څخه یې وغوښتل، چې د توکو اعتباري نېټې او روغتیايي معیارونو ته بشپړه پاملرنه وکړي.
