زابل او غزني ولایتونو کې د یو شمیر خصوصي روغتیایي مرکزونو څخه لیدنه تر سره شوه
د عامې روغتیا وزارت خصوصي سکټور د همغږۍ او تنظیم رئیس، ډاکټر احمد خندان او مل ټیم یې غزني او زابل ته د سفر پر مهال د روغتیايي مرکزونو معیاري کولو او د خدماتو کیفیت لوړولو په موخه له یو شمېر خصوصي روغتیايي مرکزونو لیدنه ترسره کړه
د زابل او غزني عامې روغتیا او خصوصي روغتیايي مرکزونو مسؤلینو د خصوصي سکټور د همغږۍ او تنظیم رئیس ته د سفر هرکلي ترڅنګ ژمنه وکړه، چې هېوادوالو ته د باکیفیته روغتیايي خدماتو وړاندې کولو لپاره ژمن دي او هڅه کوي، ترڅو خلکو ته د باکیفیته روغتیايي خدماتو زمینه برابره کړي.
دغه راز، د هغو خصوصي روغتیايي مرکزونو مسؤلینو، چې لا تر اوسه د فعالیت جوازونه نلري او یا یې د روغتیايي مرکزونو جوازونه تمدید شوي نه دي، ژمنه وکړه چې د خپلو روغتیايي مرکزونو د جوازونو ترلاسه کولو او نوي کولو لپاره به لاس په کار شي.
