د کوچني اختر شپو ورځو کې د هېواد بېلا بېلو ولایتونو کې ناروغانو ته په ښه توګه روغتیايي خدمتونو وړاندې شول
د کوچني اختر په شپو ورځو کې د هېواد په ولایتونو کې ناروغانو ته غوره خدمتونه وړاندې شوي، چې نظارتونه یې د ولایتي رئیسانو په مشرۍ ترسوه شول، موخه یې د روغتیايي خدمتونو ارزونه، د ناروغانو ستونزو ته رسېدنه او هغوی ته د غوره خدمتونو وړاندې کول وو، چې په ترڅ کې یې د ننګرهار، لغمان، کونړ، لوګر، پکتیا، خوست، پکتیکا، غزني، زابل، کندهار، فراه، پنجشېر، دایکندي او بلخ ولایتونو له روغتونونو او روغتیايي مرکزونو څخه لیدنې وشوې، چې له نېکه مرغه په ټولو روغتونونو او مرکزونو کې د روغتیايي خدمتونو بهیر په ښه توګه پرمخ روان و، د بستر ناروغانو احوال واخیستل شو، د ناروغانو درملنې برخه کې د روغتیايي کارکوونکو هڅې وستایل شوې او د لا غوره خدمتونو وړاندې کولو په موخه ورته سپارښتنې وشوې.
د یادونې وړ ده، چې د عامې روغتیا وزارت رهبرۍ په ځانګړي هدایت په مرکز او ټولو ولایتونو کې د اختر په شپو ورځو کې د روغتیايي مرکزونو فعال ساتلو هدایت شوی و؛ ترڅو د هېوادوالو روغتیايي ستونزو ته رسېدنه ترسره او له روغتیايي خدماتو برخمن وي.
