د غزني ولایت تخنیکی پوهنتون څه باندې ۷۰۰ محصلینو ته د نشه يي توکو د مخنیوي او عامه پوهاوي په موخه علمي سیمنار تر سره شو
یاد سیمنار چې د غزني عامې روغتیا ریاست اړوند د روږدو درملنې ۵۰ بستریز روغتون د عامه پوهاوي مسؤلینو له لوري تر سره شو، ګډونوالو ته په کې د عامه پوهاوي اهمیت، د سالم راتلونکي په جوړولو کې د ځوانانو رول، د روږدیتوب د مخنیوي ارزښت، د روږدیتوب لاملونو، د نشه یي توکو مخنیوي برخه کې د کورنیو او ملګرو رول، د ټولنیز لید له مخې د خطرونو پر وړاندې د مبارزې لارو چارو او پر ټولنه باندې د روږدیتوب د منفي او ناوړه اغېزو په اړه هر اړخیز معلومات ورکړل شول.
همدارنګه، د یاد پوهنتون رهبرۍ او استادانو د دغه ډول سیمنارونه له جوړېدو څخه هرکلی وکړ او دا ډول پروګرامونه یې د نشه يي توکو مخنیوي برخه کې اغېزمن وبلل.
