د پکتیا ولایت سیمه ییز روغتون، مهلن او سپاهي خېلو روغتیايي مرکزونو کې د ۱۰۰ زره امریکایي ډالرو په لګښت څلور بابه انتظار خونې ګټې اخیستنې ته وسپارل شوې
یادې انتظار خونې د پکتیا د عامې روغتیا ریاست په هڅو او د ملګرو ملتونو د استوګنې او ښاري پراختیايي دفتر (UN-Habitat) په مالي ملاتړ، د ۱۰۰ زره امریکايي ډالرو په لګښت جوړې او د یو لړ مراسمو په ترڅ کې ګټې اخیستنې ته وسپارل شوې.
د پکتیا ولایت د عامې روغتیا رئیس، ډاکټر معراج ګل عادل له مرستندویه مؤسسې څخه مننه وکړه او د روغتیايي خدمتونو د پیاوړتیا لپاره یې دا ډول پروژې اړینې وبللې.
