د پوهاند سید الف شاه غضنفر روغتیايي علومو انسټیټیوټ د علمي شورا ناسته ترسره شوه
یاده ناسته چې د پوهاند غضنفر روغتیايي علومو انسټېټیوټ د رئیس، ډاکټر محمد قاسم عادل په مشرۍ تر سره شوه، په کې علمې او تدریسي آمر دوکتور عبدالستار جبارزي، اداري آمر بریالي عصمتي، تخنیکي آمر ډاکټر محمد اصف شهیدي او د ډیپارټمنټونو مسؤلینو ګډون کړی و.
په دې ناسته کې د پسرلني سمستر د ازموینو، میاشتني راپور، د ژمني سمستر د پیل، د محصلینو د حاضرۍ کنټرول او اصولو او مقراراتو ته د پاملرنې اړوند بحث تر سره او نظرونه تبادله شول.
همداراز، د ذکر شویو موضوعاتو اړوند لازمې پرېکړې وشوې او ځینې موضوعات د عامې روغتیا وزارت د مقام اړوند وبلل شو، چې د حل په موخه یې دوکتور محمد قاسم عادل مسؤلیت واخیست؛ تر څو د عامې روغتیا وزارت له مقام سره یې شریکې کړي.
