د فراه د عامې روغتیا ریاست نظارتي ټیم د یو درې ورځني نظارت په ترڅ کې له ۴۹ خصوصي روغتیايي مرکزونو څخه نظارت ترسره کړ
یاد نظارت چې موخه یې د جوازونو ارزونه، په روغتیايي مرکزونو کې د مسلکي کسانو شتون معلومول او د درملو کیفیت ارزونه ده، پایله کې یې ۴ درملتونونه، د درملو یو عمده پلورنځی او یو ګدام د غیر مسلکي کسانو د شتون، غیر قانوني او له نېتې تېر درملو د پلور او لوړو بیو له امله وتړل شول.
په دې نظارت کې همداراز، ۵۰ قلمه له نېټې تېر درمل راټول او د له منځه وړلو په موخه د فراه د عامې روغتیا ریاست ګدام ته ولېږدول شول.
