د عدلي طب کارکوونکو ته پنځه ورځنی روزنیز ټریننګ ورکړل شو
یاد ټریننګ د عامې روغتیا وزارت د عدلي طب ریاست له لوري د سره صلیب (ICRC) په مالي او تخنیکي همکارۍ د سویل ختیځ او مرکزي زون (بامیان، میدان وردګ، پکتیکا، لوګر، پکتیا، غزني او خوست) ولایتونو د عامې روغتیا ریاستونو اړوند د عدلي طب کارکوونکو او د ولایتي روغتونونو د بېړنۍ برخې متخصصینو ته په غزني ولایت کې تر سره شو، چې ګډونوالو ته په کې د عدلي طب برخه کې د متخصصو او مجربو استادانو له لوري زده کړې ورکړل شوې.
د یاد ټریننګ په وروستۍ ورځ د عدلي طب رئیس، مولوي نجیب الله فاروقي ګډونوالو ته د عدلي طب د اهمیت اړوند هر اړخیزه وینا تر سره، په دې برخه کې یې د ښکېلو ادارو همکاري لازمه وګڼله او له ګډونوالو یې وغوښتل، چې د یاد ټریننګ په ترڅ کې زده کړي موضوعات دې په کاري ساحه کې پلي کړي.
