د عامې روغتیا وزارت د چاپیریال روغتیا ریاست له لوري د کانګو ناروغۍ د مخنیوي په موخه د کابل بېلا بېلو برخو کې ۲۰ زره معلوماتي پوسټرونه وویشل شول
یاد کمپاین چې موخه یې د کانګو ناروغۍ مخنیوی او پر وړاندې یې عامه پوهاوی دی، په ترڅ کې یې د مرکز په بېلا بېلو ناحیو کې څارویو پلورونکو او عامه خلکو ته ۲۰ زره معلوماتي پوسټرونو وویشل شول.
دا اقدام د عامې روغتیا وزارت اړوندو څانګو سره په همغږۍ د خلکو د روغتیا ساتنې په موخه پیل شوی دی.
د چاپیریال روغتیا ریاست مسؤلین ټینګار کوي، چې د دغه کمپاین موخه د کانګو ویروس د لېږد مخنیوی، د خطر سره مخ خلکو ساتنه او د دې خطرناکې او ناوړه ناروغۍ له امله د مړینې کچه راکمول دي.
همدارنگه، یاد کمپاین کې د کابل اوسېدونکو ته سپارښتنه وشوه، چې د دې ناروغۍ د درملنې اړوند روغتیايي مرکزونو ته مراجعه وکړي او د معلوماتي پوسټرونو په ترلاسه کولو او ویشلو سره په دغه کمپاین کې فعاله برخه واخلي.
