د عامې روغتیا وزارت د روږدو درملنې ملي پروګرام د روږديتوب د مخنیوي کمېټې له لوري معلوماتي کمپاین ترسره شو
د عامې روغتیا وزارت د روږدو درملنې ملي پروگرام د روږديتوب څخه د مخنيوي کمېټې مسؤلینو د کابل کارته نو سیمه کې د اطلس علمي روزنیز مرکز زده کوونکو ته د نشه يي توکو څخه د مخنيوي معلوماتي کمپاين پيل کړ
دغه معلوماتي کمپاين د (خپل ژوند قهرمان اوسه) تر عنوان لاندې د اطلس علمي مرکز زده کوونکو او همکارانو په ګډون ترسره شو، چې موخه یې په ژوند کې د سالمو پرېکړو د پیاوړتیا لپاره د نشه یي توکو څخه مخنيوي برخه کې د ځوانانو معلومات لوړول وو.
په دې کمپاين کې د روږدو د مخنيوي کمېټې رواني مشاورینو او پوهانو د ( نشه يي توکو خاموشې څپې) د خطر، مخنيوي، معلوماتو اهميت، د ملګرو فشار، د (نه) ویلو مهارت، د (قوي ذهن = قوي وقايي) او د ځوانانو په ساتنه او ملاتړ کې د کورنۍ او ټولنې رول تشریح کړ.
په پای کې د ځوانانو له لوري د دغه کمپاين هرکلی شو او ګډونوالو د دې ډول معلوماتي پروګرامونو د دوام غوښتنه وکړه.
