د عامې روغتیا وزارت د روغتیایي پراختیا او پالیسۍ مرستیال، ښاغلي ډاکټر محمد حسن غیاثي په مشرۍ د څېړنې ارزونې بورډ (IRB_ Institutional Review Board) ناسته ترسره شوه
په دې ناسته کې چې د معینیت مشاورینو، یو شمېر مرکزي رئیسانو او د اړوندو ادارو مسؤلینو شتون هم درلود، د (IRB_ Institutional Review Board) د چارو، دې بورډ ته د نویو کسانو معرفي کولو او د پخواني طرزالعمل بیا ارزونې په اړه بحث او خبرې ترسره شوې.
د روغتیایي پراختیا او پالیسۍ مرستیال، د دغه بورډ د چارو پر شفافیت، د علمي شواهدو او مستندو معلومات پر موجودیت ټینګار وکړ؛ ترڅو روغتیا برخه کې څېړنې له ملي اړتیاوو، اخلاقي اصولو او معیارونو سره سمې تر سره او د څېړنو بهیر چټک او منظم شي.
د یادونې وړ ده، چې د IRB بورډ د طرزالعمل بیا ارزونه به د یوې کمېټې له لوري ترسره شي، چې په کې به د وزارت د رهبرۍ مسؤلین، یو شمېر تخنیکي همکاران او څو تنه علماء کرام موجود وي.
