د عامې روغتیا وزارت د دعوت ارشاد رئيس، مولوي محمد قاسم حقاني غزني ولایت ته د سفر په ترڅ کې د یاد ولایت له روغتیایي مسؤلینو سره ناسته ترسره کړه
په دې ناسته کې چې د غزني د عامې روغتیا رئیس، ډاکټر محمد زرک ځيرک، د یاد ولایت د حوزوي، ولایتي او ولسواليو روغتيايي مراکزو مسؤلينو او بېلابېلو تطبيق کوونکو مؤسسو استازو ګډون درلود، په کې د دعوت ارشاد رئیس د امربالمعروف او نهی عن المنکر قانون د تطبيق پر څرنګوالي خبرې وکړې ، نوموړي همدارنګه د روغتیا اړوند د اسلام مبارک دین ارشادات بیان او روغتیایي کارکوونکو ته یې د اسلام د مقدس دین ،په رڼا کې د ورځني ژوند ، چاپیریال برابرولو او خدماتو تر سره کولو سپارښتنې تر سره کړې.
