د عامې روغتیا وزارت د خوړو او درملو معینیت له لوري (۶۵) ټنه بې کیفیته او له نېټې تېر غیر الکولي مشروبات له منځه یوړل شول
دغه غیر الکلولي مشروبات چې د یو خصوصي شرکت اړوند وو، د خوړو او درملو معینیت د خوراکي توکو او محصولاتو څخه د څارنې ټیمونو له لوري د مرکز کابل په بېلا بېلو سیمو کې د خوراکي توکو پلورنځیو او د یاد شرکت له مرکزي ګُدام څخه د نظارت پایله کې راټول او قرنطین شوي وو، چې ټول وزن یې ۶۵ ټنه او شمېر یې (۱۱۰۰۰) کارټنه کېده، د اړوندو ادارو د استازو په شتون کې په ګزک سیمه کې له منځه یوړل شول.
د یادونې وړ ده، د خوړو او درملو معینیت له لوري د روان کال له پیل راهیسې تر اوسه ۱۴۰ ټنه بې کیفیته او له نېټې تېر خوراکي راټول او له منځه وړل شوي دي.
