د اکمال تخصص لوی ریاست تل هڅه کړې، چې د تخصصي برنامې بډایه کولو لپاره علمي معیارونه پلي او د ډاکټرانو علمي کچه لوړه کړي؛ ترڅو هېوادوالو ته په کور دننه معیاري خدمات وړاندې کړي
په همدې اساس د عامې روغتیا وزارت د حکم سره سم د یوې شفافې پروسې له لارې هېواد ته د وړ طبي متخصصینو وړاندې کولو په موخه د (Comprehensive) ازموینې عملې برخې long case او Short case ازموینې اخیستلو پروسه په رسمي ډول د ۱۲/۰۳/۱۴۴۷ نېټه، چهارشنبې په ورځ د عامې روغتیا وزارت د تخصصي روغتونونو د محترمو استادانو په همکارۍ ۲۶ تخصصي برخو کې د مرکز او ولایتونو د تخصصي روغتونونو له ۴۸۵ وړ نوماندانو څخه چې لیکلې یا تحریري ازموینه کې بریالي شوي وو، د خپاره شوي مهالویش سره سم پیل شوه او دا پروسه به ۲۰/۰۳/۱۴۴۷ نېټې د پنجشنبې تر ورځې پورې د مرکز په تخصصي روغتونونو کې دوام ولري.
د یادونې وړ ده، چې د پورته ذکر شوي ازموینې اخیستلو پروسه د نصاب سره سم په معیاري ډول د اکمال تخصص لوی ریاست د مشرتابه او با صلاحیته استازو په شتون کې څارل کېږي.
