تېره میاشت بلخ ولایت کې له ۲۲۹ روغتیايي او خوراکي تاسیساتو څخه نظارت ترسره شوی، چې پایله کې یې ۴۵ تاسیسات تړل شوي دي
د بلخ ولایت د عامې روغتیا ریاست د څارنې او پلټنې امریت ټیمونو تېره میاشت د یاد ولایت په بېلابېلو سیمو کې له ۲۲۹ درملیزو او خوراکي تاسیساتو څخه نظارت ترسره کړی، چې پایله کې ۳۳ درملتونونه، یو کلینیک، یو روغتون، ۷ روغتیایي کتنځایونه، ۲ لابراتوارونه او یو د کوچنیو جراحي عملیاتو مرکز له نافذه قوانینو څخه د سرغړونې او غیر قانوني فعالیتونو له امله وتړل شول.
د بلخ د عامې روغتیا رئیس، رحمت الله منصور ټولو نظارتي ټیمونو ته په ټینګار سره وویل، چې نظارتونه په منظم، دقیق او شفاف ډول ترسره کړي او د هر ډول غیر قانوني فعالیتونو په صورت کې دې جدي اقدامات ترسره کړي.
همدارنګه، نوموړي د روغتیايي او خوراکي تاسیساتو له مسؤلینو څخه وغوښتل، چې نافذه قوانین او مقررات په بشپړ ډول مراعت کړي.
