د سمنګان ولایت په فیروزنخچیر ولسوالۍکې یو حمایوي کمپ جوړ او په فعالیت یې پیل وکړ
دا روغتیایی کمپ د سمنګان ولایت د فیروزنخچیر ولسوالۍ په قوش محله کلي کې د ماشومانو د ملاتړ مؤسسې (Save the Children) په مالي او تخنیکي ملاتړ جوړ او په فعالیت یې پیل وکړ.
دا اقدام د لومړنيو روغتیایي خدماتو برابرولو او د ځایي خلکو، په ځانګړي توګه د ماشومانو او مېرمنو د روغتیایي ستونزو بېړني حل لپاره تر سره شوی.
د دې روغتیایي کمپ له فعالولو سره سم د سمنګان ولایت د عامې روغتیا ریاست له لوري د سرویلانس یو ځانګړی حمایوي ټیم هم ګمارل شوی؛ ترڅو د روغتیا ارزونې، اړینو ټیسټونو یا ازموینو ترسره کولو او نمونو راټولولو فعالیتونه ترسره کړي.
د سمنګان د عامې روغتیا ریاست د ماشومانو د ملاتړ دفتر له دوامداره همکارۍ څخه مننه وکړه او ټینګار یې وکړ، چې د داسې کمپونو جوړول د خلکو د بېړنیو روغتیایي اړتیاوو په چټک ځواب ویلو کې مهم رول لوبوي.
