د چین هېواد MCC کمپنۍ په ختیځ زون کې د زلزله ځپلو هېوادوالو ستونزو ته د رسېدنې په موخه د یو شمېر اړینو توکو او درملو مرسته وکړه
یاده مرسته افغانستان لپاره د چین سفارت او د MCC کمپنۍ د استازو په شتون کې د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي ته وسپارل شوه، چې په کې خوراکي توکي، درمل، خېمې، کمپلې او نور اړین توکي شامل وو.
د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي د یادې مرستې په موخه د چین هېواد څخه مننه وکړه او دا مرسته یې د زلزله ځپلو هېوادوالو د اړتیاوو په پوره کولو کې اغېزمنه وبلله.
بل لور د چین سفارت استازو خپلو دوامداره مرستو ته په اشارې ختیځ کې د زلزلې له امله زیانمنو شویو سره د لا زیاتو مرستو او همکاریو ډاډ څرګند کړ.
