د ساري ناروغیو د کنټرول ریاست (ایډز او هیپټایټس) د کنټرول ملي پروګرام مسؤلینو له لوري ۳۰ نفره روزونکو ته پنځه ورځنی ورکشاپ پیل شو
د عامې روغتیا وزارت د ناروغیو د کنټرول او مخنیوي لوی ریاست اړوند د ساري ناروغیو د کنټرول ریاست او (جنسي لارې انتقالېدونکو ناروغیو، ایډز او هیپټایټس) د کنټرول ملي پروګرام مسؤلینو له لوري د جاپان هېواد په مالي ملاتړ او UNODC په همکارۍ ۳۰ نفره روزونکو ته پنځه ورځنی ورکشاپ پیل شو، چې موخه یې په افغانستان کې د نشه یي توکو د زیانونو کمول او په ځانګړې توګه د HIV او هیپټایټس کنټرول او مخنیوی دی.
د یادونې وړ ده، چې په یاد ورکشاپ کې د HIV، هیپټایټس او نشه یي توکو او پر وړاندې د اغېزمنې مبارزې لپاره په خپلمنځي همغږۍ او همکارۍ ټینګار وشو او د نشه یي توکو د زرقي استعمال له لارې د خطرناکو ساري ناروغیو د انتقال په اړه هر اړخیز پریزینټېشنونه وړاندې شول.
