ډاکټر محمد ولي احمدزی د تخار عامې روغتیا رئیس په توګه وګمارل شو
په همدې موخه جوړو شویو مراسمو کې د عامې روغتیا وزارت نړیوالو اړیکو، مرستو همغږۍ او انسجام رئیس، مولوي محمد داوُد منصوري په تشکیلاتي جوړښت کې تغیر، تبدیل او له احکامو پیروی د نظام اصل یاد کړ او د ا.ا.ا. د ریاست الوزراء عالي مقام د حکم له مخې یې ډاکټر محمد ولي احمدزی د تخار عامې روغتیا رئیس په توګه یاد ریاست ته معرفي کړ.
ښاغلي منصوري دغه راز، نوي ګمارل شوي رئیس ته په چارو کې د بریاليتوب هیله څرګنده او د یاد ریاست له کارکوونکو یې وغوښتل، چې خپلو اړوندو چارو ته په پوره صداقت او ټاکلي وخت رسېدنه وکړي؛ ترڅو چارې په سمه توګه ترسره او ولسونو ته غوره روغتیايي خدمتونه وړاندې شي.
