د عامې روغتیا وزارت د پالیسۍ او پلان مرستیال د بغلان له ولایتي روغتون او روغتیايي مرکزونو څخه لیدنه وکړه
چهارشنبه، سلواغه ٢٧/١٤٠٠
د عامې روغتیا وزارت د پالیسۍ او پلان مرستیال ډاکتر محمد حسن غیاثي، د روغتیايي قوانینو د تطبیق رئیس ډاکتر سید رسول منګل او مل پلاوي یې د بغلان ولایت له ولایتي روغتون څخه لیدنه وکړه.
په دغه لیدنه کې د پالیسۍ او پلان مرستیال د روغتیايي پرسونل له کارونو څخه د قدردانۍ په ترڅ کې په دغه روغتون کې د روغتیايي خدمتونو د وړاندې کولو وضعیت له نږدې وڅېړل او همدارنګه مسؤلینو ته یې لارښوونه وکړه چې په دغه ولایت کې د ناروغانو روغتیایي وضعیت ته لا زیاته پاملرنه وکړي.
له بلې خوا د دغه روغتون روغتيايي کارکوونکو خپلې ستونزې او وړانديزونه د عامې روغتيا وزارت له مشرتابه سره شريک کړل او د دغه وزارت له مشرتابه څخه يې د حل غوښتنه وکړه، چې په اړه يې لازمې لارښوونې وشوې.
همدا راز ډاکتر غیاثي او ورسره مل ټیم د بغلان ولایت د حکیم سنايي خصوصي روغتون او د حسین خېلو جامع کلینیک څخه لیدنه وکړه او په دغو مرکزونو کې یې د روغتیايي خدمتونو وړاندې کولو وضعیت له نږدې وارزو.
