په تخصصي او ثالثي روغتونونو کې د روغتیايي سیستم د پیاوړتیا په موخه د تخنیکي کمېټې ناسته ترسره شوه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په مشرۍ د وزارت له رئیسانو، د مقام د دفتر مشاورینو، آی سي آر سي او یو شمېر نورو ادارو استازو سره په تخصصي او ثالثي روغتونونو کې د روغتیايي سیستم د پیاوړتیا په موخه د تخنیکي کمېټې ناسته ترسره شوه.
په دې ناسته کې د تخصصي او ثالثي روغتونونو، تدارکاتو، بشري سرچینو او مالي ریاستونو مسؤلینو د پرېزینټیشن په ترڅ کې ګډونوالو ته د اړوندو ریاستونو د ستونزو او حل لارو چارو په اړه معلومات وړاندې کړل.
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په مالي، تدارکاتي، بشري سرچینو، په روغتونونو کې د خدماتو د لا ښه کولو، تخصصي او خصوصي سکتور برخو کې څو فرعي کمېټې وټاکلې؛ ترڅو په روغتونونو کې د روغتیايي سیستم د پیاوړتیا په موخه خپلې طرحې چمتو او د ټولو طرحو له راټولولو وروسته یوه جامع طرحه جوړه او له تائید وروسته پرې اجراات ترسره شي.
