ننګرهار کې له ۷ روغتونونو سره د ۲۷۵ زره ډالرو په لګښت د طبي توکو او تجهیزاتو مرسته وشوه
یاده مرسته د ننګرهار د عامې روغتیا ریاست په هلو ځلو او د روغتیا نـړیوال سازمان د سیمه ییز دفتر په مالي لګښت د دې ولایت د مرکزي، پوهنتون تدریسي، کامې، رودات او د بېرته راستنېدونکو هېوادوالو د لنډ مهاله میشت غالي له بېړني او فاطمةالزهرا روغتون سره وشوه، چې الټراسونډ ماشینونه، ډیجیټل اکسرۍ ماشینونه، د لابراتواري موادو د ساتنې یخچالونه، جراحي عملیاتونو لپاره ځانګړي کيټونه او نور طبي توکي په کې شامل وو، چې په مرسته به یې د روغتیايي خدمتونو د وړاندې کېدو معیار ښه او هېوادوالو ته به غوره روغتیايي خدمتونه وړاندې شي.
