د کونړ ولایت عامې روغتیا ریاست سره ۴۶قلمه درملو او ۳۶۰عدده حفظ الصحې کيټونو مرسته وشوه
یاده مرسته د (MMRCA) مؤسسې له لوري د وروستۍ زلزلې د قربانیانو درملنې او لومړنیو اړتیاوو پوره کولو په موخه وشوه؛ ترڅو د زلزله ځپلو روغتیايي ستونزې حل او ورته لازم خدمتونو وړاندې شي.
د کونړ د عامې روغتیا رئیس قاري مظفرخان مخلص د دغې مرستې له امله د MMRCA مؤسسې له مسؤلینو څخه مننه وکړه او زیاته یې کړه، چې یاد درمل او کيټونه به د روغتیایي مرکزونو له لارې په شفاف ډول اړمنو خلکو ته ووېشل شي.
