د پروان ولایتي تخصصي، شاه امان الله غازي او پنجشیر ایمرجنسي روغتونونو کې د اکمال تخصص برنامې له روان بهیر څخه نظارت تر سره شو

د عامې روغتیا وزارت د اکمال تخصص لوی ریاست تر چتر لاندې د عملیاتي ریاست څارنې ټیم د پروان ولایتي تخصصي، شاه امان الله غازي او پنجشیر ایمرجنسي روغتونونو ته استول شوي؛ ترڅو د ټرینر متخصصینو او ټریني ډاکټرانو ستونزې او د اکمال تخصص برنامې بهیر کې موجوده تشې په نښه او ورته د حل لارې پیدا کړي.

یاد ټیم د پورته ذکر شويو تخصصي روغتونونو له مسؤلینو، ټریننګ مسؤل، د ډیپارټمنټونو له مسؤلینو، ټرینر متخصصینو او ټریني ډاکټرانو سره د اکمال تخصص برنامې د معیاري کولو او د اکمال تخصص لوی ریاست موخو ته د رسېدو په اړه هر اړخیز بحث او خبرې وکړې.

سربېره پردې، د اکمال تخصص لوی ریاست نظارتي ټیم د نصاب پلي کولو باندې خبرې وکړې، چې له ډلې یې Logbook،bedside teaching ،Morning report، Morning visit،Case presentation  باندې ټینګار وشو؛ تر څو په هر اړخیز ډول اجراات تر سره شي.

د یادونې وړ ده، چې دا نظارتي لړۍ به څلور ورځې دوام وکړي او دا پروسه د مرکز او ولایتونو په ټولو تخصصي روغتونونو کې هم د پلي کېدو وړ ده.