د فراه عامې روغتیا ریاست ته د کتلوي معافیت پیاوړتیا په موخه یو شمېر طبي تجهیزات ورکړل شول
د عامې روغتیا وزارت د واکسینونو د خوندیتوب ساتلو، معیاري تطبیق کولو او لرې پرتو سیمو ته د هغوی د لېږد اسانتیا په موخه د طبي تجهیزاتو یوه مهمه کڅوړه د فراه ولایت د عامې روغتیا ریاست ته وسپارله، چې په کې لاندې تجهیزات شامل وو.
• د واکسینونو ساتلو ۳۱ یخچالونه
• د لوی مقدار واکسینونو د لېږدولو لپاره
- ١ ساړه بکسونه (کولډ بکس)
• د لمریزو یخچالونو د نصب او ساتنې ۱۰ بشپړ سیټونه
• د کوچنیو مقدار واکسینونو د لېږدولو لپاره ۶۴ واکسین وړونکي (واکسین کریر)
• د یخچالونو د ترمیم لپاره ۵۲ اضافي پرزې
دا ټول تجهیزات د عامې روغتیا ریاست د کتلوي معافیت آمریت ته وسپارل شو.
د فراه د عامې روغتیا رئیس، مولوي شیخ میر صدام د عامې روغتیا وزارت څخه مننه وکړه او ویې ویل: "دا مرسته به د ملي واکسیناسیون پروګرام په پلي کولو، په ځانګړې توګه په لرې پرتو سیمو کې ماشومانو او میرمنو ته د واکسینونو په رسولو کې چې هلته روغتیایي خدمتونو ته لاسرسی ستونزمن دی، د پام وړ اغېز ولري.
