د عامې روغتيا وزارت د عدلي طب رياست له لوري د عدلي طب اړوند کارکوونکو ته د ''جسدونو مديريت" تر عنوان لاندې درې ورځنی تريننګ تر سره شو
یاد ټریننګ د سره صليب نړيوالې کمېټې (ICRC) په مالي همکارۍ د عدلي طب په رياست کې ترسره شو، چې د کندهار، پکتيا، خوست، ننګرهار، کونړ او نورستان ولايتونو د عدلي طب کارکوونکو او تخنيکي پرسونل په کې ګډون کړی و.
د دغه تريننګ موخه د جسدونو د مديريت په برخه کې د ګډونوالو د مسلکي پوهې او مهارتونو لوړول، د عدلي طب له نړيوالو معيارونو سره بلدتيا او د جسدونو د ثبت، ساتنې او لېږد د اصولو عملي زده کړه وه.
په دې تريننګ کې ګډونوالو ته د جسدونو د مديريت اصول، د پېژندنې او ثبت طريقې، د بېړنيو حالاتو مديريت، د عدلي اسنادو ترتيب او عملي تمرينات په تفصيلي ډول وړاندې شول.
