د جوزجان ولایت منګجک ولسوالۍ په مهاجر دالي سيمه کې يو روغتيايي مرکز پرانیستل شو
د افغانستان اسلامي امارت د عامې روغتیا وزارت له لوري د جوزجان ولايت منګجک ولسوالۍ په مهاجر دالي سيمه کې د پنځوس زره امریکایي ډالرو په مالي لګښت يو روغتيايي مرکز پرانیستل شو.
یاده پرانیستغونډه کې د عامې روغتیا وزارت د مالي او اداري چارو مرستیال ښاغلي، مولوي محمد اسحاق صاحب زاده، د جوزجان عامې روغتيا رئیس قاري ذبیح الله حسیني، مسئولینو،علماء کرامو او قومي مشرانو ګډون کړی و.
د عامې روغتيا وزارت د مالي او اداري چارو مرستيال مولوي محمد اسحاق صاحبزاده وويل: د منګجک ولسوالۍ خلک په تېره شل کلنه دوره کې له روغتیايي خدماتو بې برخې پاتې شوي نو په همدې موخه، عامې روغتیا وزارت ددغه ځوريدلي او مظلوم ولس لپاره د پنځوس زره امریکایي ډالرو په لګښت یو روغتيايي مرکز جوړ ورغاوه چې د شاوخوا شپاړس زره وګړو لپاره به روغتيايي خدمات وړاندې کوي.
دغه رازه ښاغلي صاحبزاده ژمن وکړه چې د یاد روغتیايي مرکز پاتې چارې به هم ژر پای ته ورسېږي.
