د اکمال تخصص ریاست خبرتیا
د Comprehensiveآزموینه :
هغو ډاکټر صاحبانو چی د اکمال تخصص پروګرام یی په تخصصی روغتونو کښی په ۱۴۰۱ کال کی پای ته رسولی او د دوی مونوګرافونه د اکمال تخصص د علمی کمیټی لخوا تایید شوی او دپخوانی خبرتیا سره سم یی د Comprehensive آزموینی ته نوم لیکنه ګړی، د دوی آزموینه په ۱۴ او ۱۵ /۹ / ۱۴۰۲ نیټه چی د ۲۲و۲۳/۵/۱۴۴۵ ه. ق نیـټی سره سمون لری د عامی روغتیا په وزارت کښی اخیستل کیږی.
دتیوری آزموینه ۱۰۰ سواله لری هرسوال څلور ځوابه (MCQs)او یوه نمره لری او په انګریزی ژبه به وی ، ۱۰۰ سوالوته دوه ساعته وخت په نظر کی نیول شوی .دتیوری آزموینی دپایلو داعلان سره سم دعملی آزموینی نیټه به اعلان شی.
د کاندیدو ډاکټرانو جدول د دوی دنوم او دآزموینی ځای اوورخ په پام کی نیولو سره دآزموینی څخه دمخه د عامی روغتیا وزارت له سایت څخه خپریږی .
یادونه: د آزموینی په ورځ خپل کارتونه له ځان سره ولری او ستونزو د حل لپاره د (0788209636)واتساپ شمیری سره اړیکه ونیسۍ.
