د ارزګان ولایت د عامې روغتیا ریاست اړوند پوهاند غضنفر روغتیایي علومو انسټېټیوټ خبرتیا !
د ارزګان ولایت د عامې روغتیا ریاست اړوند پوهاند غضنفر روغتیایي علومو انسټېټیوټ په پام کې لري، چې د ۱۴۰۴ هـ.ش کال لپاره د عالي نرسنګ، فارمسي او لابراتوار څانګو کې نوي محصلین جذب کړي.
د نوملیکنې بهیر د ۱۴۰۴/۲/۳۱ نېټې (چهارشنبه) ورځ څخه پیلېږي او تر ۱۴۰۴/۳/۱۰ هـ.ش پورې دوام لري.
ټول هغه کسان چې دولسم ټولګی یې بشپړ کړی وي او درې کلنې نومرې ولري او د مدارسو هغه فارغان چې اسناد یې د پوهنې ریاست لخوا د دولسم ټولګي سره معادل پېژندل شوي وي، کولای شي د نوملیکنې لپاره د سهار ۸ بجو څخه د ماسپښین تر ۴ بجو پورې د پوهاند غضنفر انسټېټیوټ ته مراجعه وکړي.
د نوملیکنې شرایط:
د دولسم ټولګي تائید شوی سند یا درې کلنې نومرې
د تابعیت تذکرې رنګه کاپي
شپږ (۶) قطعې عکسونه
پته: ارزګان ولایت، درېیمه ناحیه، دارالایتام ته مخامخ، پوهاند غضنفر دروغتیایي علومو انسټېټیوټ
