دعامې روغتیاوزارت سرپرست ډاکټرقلندرعبادنن د"نینو"خصوصي روغتون پرانیست
د عامې روغتیا وزارت سرپرست ډاکټر قلندر عباد نن د "نینو" خصوصي روغتون پرانیست.
دغه روغتون د نسايي او ولادي په څانګو کې خدمات وړاندې کوي او د کابل ښار په اتمه ناحیه کې په معیاري ډول جوړ شوی دی.
د عامې روغتيا وزارت سرپرست د دغه روغتون د جوړېدو هرکلى وکړ او د معياري روغتيايي مرکزونو زياتوالى يې په هېواد کې يوه بيړنۍ اړتيا وبلله.
ډاکتر قلندر عباد د روغتيايي خدمتونو د عرضې ښه کول د دغه وزارت له لومړيتوبونو څخه وبلل او ټينګار يې وکړ چې په هېواد کې د روغتيايي خدمتونو د معياري کولو لپاره هلې ځلې کوو.
د عامې روغتیا وزارت سرپرست هم وویل چې په تېر کال کې مو د روغتیا په برخه کې په ځانګړې توګه د پولیو او واکسیناسیون په برخه کې ښې لاسته راوړنې درلودې.
ډاکټر قلندر عباد د روغتیا په برخه کې د ښځو ونډه مهمه وبلله او څرګنده یې کړه چې په ټولو روغتیايي برخو کې د ښځو شتون جدي اړتیا ده.
