په کندز کې د غیرساري ناروغیو د مخنیوي او کنټرول په برخه کې روغتیايي کارکوونکو ته روزنیز ورکشاپ ترسره شو
د عامې روغتیا وزارت د غیرساري ناروغیو د کنټرول او مخنیوي لوی ریاست اړوند د غیرساري ناروغیو د کنټرول او مخنیوي ډیپارټمنټ له لوري د کندز ولایت د روغتیايي مرکزونو ۱۵ تنو ډاکټرانو او ۵۰ تنه د ټولنې په کچه روغتیايي کارکوونکو ته د ظرفیت لوړونې په موخه څلور ورځنی روزنیز ورکشاپ ترسره شو
په دې روزنیز پروګرام کې ګډونوالو ته د غیرساري ناروغیو مخنیوی او کنټرول، درملنې او لومړني تشخیص، روغتیايي مرکزونو ته د ناروغانو راجع کولو، په غیر ساري ناروغیو د اخته ناروغانو مدیریت او روغتیايي مشورو اړوند معلومات ورکړل شول.
د عامې روغتیا وزارت د غیرساري ناروغیو د مخنیوي او کنټرول مسؤل، ډاکټر محمد سمیع کریمي د غیرساري ناروغیو په مخنیوي او کنټرول کې د ډاکټرانو او د ټولنې په کچه د روغتیايي کارکوونکو رول مهم وباله او زیاته یې کړه، ټول روغتیايي کارکوونکي باید خپلې زده کړې له نورو همکارانو سره هم شریکې کړي، څو په دې برخه کې لا زیات کسان وروزل شي.
