د ننګرهار ولایت کوټ ولسوالۍ اړوند حیدر خانه او فتیح پور سيمو کې دوه روغتیایي مرکزونه پرانیستل شول
دغه روغتیايي مرکزونه د او پي ډي، مور او ماشوم، نسايي ولادي، واکسین، رواني روغتیا، تغذيې او فارمسي څانګې لري، چې ولسونو ته به په منظم شکل خدمات وړاندې کوي.
د دې مرکزونو د پرانیستې پر مهال د ننګرهار عامې روغتیا رئیس، مولوي امین الله شریف وویل: د کوټ ولسونو د جګړو پر مهال سخت زیان لیدلی او د اسلامي نظام په راتګ سره ورته ځانګړې پاملرنه شوې ده، چې دا مهال په کې ۱۴ روغتیایي مرکزونه خدمات وړاندې کوي. نوموړي همداراز، له ولسونو څخه وغوښتل، چې د روغتیایي مرکزونو په ساتنه کې لازمه همکاري وکړي.
