د کابل ښار په یوولسمه او دوه ویشتمه ناحیه کې د درملو له ۴۴ تاسیساتو څخه نظارت ترسره شو
د عامې روغتیا وزارت د درملو، روغتيايي محصولاتو او خوراکي توکو د څارنې او ارزونې مسؤلینو د بیو کنټرول، احتکار او انحصار مخنیوي، د کیفیت تأمین او د روغتيايي قوانینو پلي کېدو په موخه د کابل ښار په یوولسمه او دوه ویشتمه ناحیه کې د درملو له ۴۴ تاسیساتو څخه نظارت ترسره کړ.
د یاد نظارت په پایله کې د درملو ۸ شرکتونه او ۲۵ درملتونونه د لوړ قیمت پلور، ۱۱ درملتونونه د خپل سري فعالیت او رسمي جواز نه لرلو او یو د درملو عمده پلورنځی د لوړې بیې پلور له امله وتړل شول.
د عامې روغتیا وزارت د درملو، روغتيايي محصولاتو او خوراکي توکو د څارنې او ارزونې مسؤلین ټینګار کوي، چې د خلکو د روغتیا خوندیتوب په موخه به د درملو د بازار څارنه په جدي ډول دوام ولري او له سرغړوونکو سره به قانوني چلند ترسره کېږي.
