د عامې روغتیا وزارت د چاپیریال روغتیا ریاست مسؤلینو د کابل ښار پنځمه ناحیه کې له یو شمېر هوټلونو او قصابیو څخه نظارت تر سره کړ
د دې نظارت موخه روغتیایي اصولو او حفظ الصحې ته پاملرنه، د کارکوونکو د پوهاوي کچې لوړول، له روغتیایي خطرونو څخه مخنیوی او په سمه توګه کاري ځای کې د روغتیایي معیارونو تطبیق کول دي، چې پایله کې یې د روغتیا چک لیسټونه په دقیق ډول بشپړ شول، سرغړونې او نیمګړتیاوې وپېژندل شوې او د حل په موخه له مسؤلینو سره شریکې شوې، د روغتیایي وضعیت ښه کولو او په راتلونکي کې د ستونزو مخنیوي لپاره اړینې سپارښتنې وشوې او د هوټلونو او قصابیو له مسؤلینو څخه لیکلې ژمنې واخیستل شوې؛ تر څو ژر تر ژره اړین اصلاحات راولي.
