د بادغیس په قادس ولسوالۍ کې له روغتیايي مرکزونو څخه نظارت تر سره شو
یاد نظارت د بادغیس د عامې روغتیا ریاست مسؤلینو له لوري د MOVE او SAF مؤسسو استازو سره په ګډه د یاد ولایت په قادس ولسوالۍ کې له روغتیایي مرکزونو، روغتیایي ځالو، ګرځنده ټیمونو او درملتونونو څخه تر سره شو، چې موخه یې د روغتیايي خدمتونو کیفیت، د درملو او طبي تجهیزاتو شتون، روغتیايي کارکوونکو، درملتونونو او خوراکي توکو پلورنځیو ارزول وو، چې پایله کې یو شمېر روغتیايي مرکزونه او درملتونونه له روغتیايي قوانینو څخه د سرغړونې له امله وتړل شول او د غیر مجاز درملو د پلور مخنیوی وشو.
دغه راز د تړل شویو مرکزونو مسؤلینو ته لازم لارښودونه ورکړل شول او د عامې روغتیا وزارت د اصولو په تطبیق او معیاري روغتیايي خدمتونو وړانډې کېدو ټینګار وشو.
