د عامې روغتیا وزارت د مالي او اداري چارو مرستیال، ښاغلي ملا بخت الرحمن شرافت بلخ ولایت کې له یو شمېر روغتونونو څخه لیدنه وکړه
دا لیدنه د بلخ ولایت د عامې روغتیا رئیس، الحاج رحمت الله منصور او یو شمېر نورو روغتیایي مسوولینو په شتون کې ترسره شوه، چې په کې د یاد ولایت حوزوي روغتون له بېلابېلو څانګو، د سوزېدلو جراحۍ څانګې او د سرطان ناروغانو د درملنې روغتون څخه لیدنه ترسره کړه.
ښاغلي مرستیال، د ناروغانو له روغتیایي وضعیت څخه لیدنه وکړه او د هغوی ستونزې یې واورېدې او ژمنه یي وکړه، چې د ناروغانو د درملو او اړینو وسایلو د تأمین لپاره به لازم اقدامات ترسره کړي.
همداراز، ښاغلي مرستیال زیاته کړه، چې د عامې روغتیا وزارت موخه د خلکو روغتیا ته جدي پاملرنه او ناروغانو ته د غوره روغتیايي خدماتو وړاندې کول دي.
