د عامې روغتیا وزارت د څارنې او پلټنې لوی رئیس، ډاکټر عنایت الله عنایت او مل تخنیکي ټیم له سر کوتل روغتون څخه نظارت ترسره کړ
یاد نظارت چې موخه یې د هېواد دولتي او خصوصي روغتونونو بشپړه څارنه، د چارو شفافیت او په معیاري توګه هېوادوالو ته د روغتیایي خدماتو وړاندې کول دي، په ترڅ کې یې ډاکټر عنایت الله عنایت او مل تخنیکي ټیم د کابل سر کوتل روغتون له بېلا بېلو څانګو څخه لیدنه وکړه، د ناروغانو احوال یې واخیست او روغتیایي کارکوونکو ته یې د غوره روغتیایي خدمتونو وړاندې کولو په موخه لازمې سپارښتنې وکړې.
دغه راز، ډاکټر عنایت الله عنایت په یاد روغتون کې شته ستونزې له اړوندو مسؤلینو سره شریکې کړې؛ ترڅو یادې ستونزې حل او د ناروغانو ستونزو ته پر وخت رسېدنه وشي.
