کابل ښار کې د یو شمیر پلورنځیو څخه نظارت تر سره شو
د روژې مبارکې میاشتې نظارتي پلان له مخې د عامې روغتیا وزارت خوړو او درملو معینیت ګډ ټیم د کابل په یو شمېر ناحیو کې د خوراکي توکو له ۱۴۰ عمده پلورنځیو څخه نظارت ترسره کړی.
یاد نظارت د خوړو خوندیتوب ریاست اړوند، سرویلانس، تحلیل او نظارت آمریتونو د یو ګډ ټیم له لوري په څلورمه، پنځمه، لسمه او یوولسمه ناحیه کې ترسره شوی، چې پایله کې یې په زیاته اندازه له نېټې تېر توکي لکه؛ غیر الکولي مشروبات، بېسکویټ، کیک، لبنیات، معدني اوبه او ورته نور توکي راټول او د له منځه وړلو په موخه اړوند ځای ته ولېږدول شول.
د یادونې وړ ده، چې دغه نظارتونه د غیر مجاز او نېټې تېر خوراکي توکو پلور څخه د مخنیوي په موخه ترسره شوي او د روژې مبارکې میاشتې کې به په ورځني ډول دوام ولري.
