۱۲ تنو طبي ټکنالوجستانو ته د PCR او ELISA برخو کې د ظر فیت لوړونې په موخه پنځه ورځنی ټریننګ ترسره شو
د عامې روغتیا وزارت اړوند، د ۷ حوزوي ریفرینس لابراتوارونو او ملاریا ملي برنامې ۱۲ تنو طبي ټکنالوجستانو ته د PCR او ELISA برخو کې د ظر فیت لوړونې په موخه پنځه ورځنی ټریننګ ترسره شو.
یاد ټریننګ د عامې روغتیا وزارت تشخیصه ریاست اړوند، مرکزي لابراتوارونو آمریت له لوري د ګلوبل فنډ او ADDA مؤسسې په مالي همکارۍ د ۷ حوزوي ریفرینس لابراتوارونو او ملاریا ملي برنامې ۱۲ تنو طبي ټکنالوجستانو ته د PCR او ELISA لابراتواري معایناتو په برخه کې د ظرفیت لوړولو په موخه په لاره اچول شوی و، چې ګډونوالو ته په کې د مجربو استادانو له لوري عملي او نظري زده کړې ورکړل شوې.
د یادونې وړ ده، چې د عامې روغتیا وزارت په پام کې لري، په راتلونکي کې هم د ولایتونو طبي ټکنالوجستانو ته ورته روزنیز ټریننګونه په لاره واچوي؛ څو په تشخیصیه برخه کې لا اسانتیاوې رامنځته او په کور دننه د ټولو ناروغانو لا معیاري تشخیص ترسره شي.
