کنړ ولایت کې دوه شپیته روغتیایي مرکزونو ته درمل ، طبي او غیر طبي وسایلو ته ورکړل شول
د کونړ عامې روغتیا ریاست له لوري د دغه ولایت دوه شپیته روغتیايي مرکزونو ته د ۲۸.۴ میلیونه افغانیو په ارزښت درمل، طبي او غیر طبي وسایل ورکړل شول.
د یادو وسایلو ورکړې مراسمو کې د کونړ عامې روغتیا رییس قاري مظفرخان مخلص وویل: دغه ۱۹ قلمه طبي او غیر طبي وسایل او ۱۴۰ قلمه درمل چې د یونیسف او هېلت نیټ ټي پي او موسسو په مالي همکارۍ څه موده مخکې پیرل شوي وو، نن ورځ د یو لړ مراسمو په ترڅ کې د مسئولینو په لاسونو د ۶۲ روغتیايي مرکزونو استازو ته ورکړل شول.
