ښاغلی ډاکټر عبدالحق نوري د عامې روغتیا وزارت د افغان - اندونيزيا د دوستۍ روغتون کارکوونکو ته د رئیس په توګه ور وپېژندل شو
په همدې موخه جوړو شوو مراسمو کې د عامې روغتیا وزارت د مقام د دفتر رئیس، ښاغلي مولوي محمد حسن محمدزي وویل، تغیر او تبدیل او له احکامو پیروي د اسلامي نظام مهم اصل دی او د ریاست الوزراء د محترم مقام د حکم له مخې د کاري چارو د ښه والي په موخه ښاغلی ډاکټر عبدالحق نوري د عامې روغتیا وزارت د افغان - اندونيزيا د دوستۍ روغتون کارکوونکو ته د رئیس په توګه ور وپېژندل شو.
د عامې روغتیا وزارت د مقام د دفتر رئیس، نوي رئیس ته په چارو کې د بریالیتوب غوښتنه وکړه او د یاد ریاست له کارکوونکو یې وغوښتل، چې د تېر په څېر خپلو همکاریو ته دوام ورکړي؛ تر څو ولس ته په روغتيايي خدماتو کې شته ستونزې حل او پر وخت ورته رسېدنه وشي.
