په کابل ښار کې د خصوصي روغتیایي سکتور څخه نظارت تر سره شو
د افغانستان اسلامي امارت د عامې روغتیا وزارت د روغتیايي قوانینو د تطبیق او پلټنې مرکزي ریاست له لوري د کابل ښار لومړۍ ناحیې سینما پامیر سیمه کې له خصوصي روغتیايي سکتور څخه نظارت ترسره کړی چې، په پایله کې یې (٤) بابه روغتونونه او د ډاکټرانو کتنځایونه د اسنادو نه شتون او غیر قانوني فعالیتونو له امله وتړل شول.
دغه راز د یاد نظارت په پایله کې یې یوه اندازه له نیټې تېراو بې کیفیته درمل او لابراتواري مواد راټول کړي او د لوړ فیس اخیستو او شفري نسخو لیکلو مخنیوی یې هم ترسره کړی.
