په روغتونونو کې د غوره روغتیایي خدماتو د تر سره کولو په موخه ناسته تر سره شوه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني روغتونونو ته د درملو رسولو او د روغتونونو ترمنځ د غوره همغږۍ په موخه د یوې ناستې په ترڅ کې د تخصصي او ثالثي روغتونونو له رئیسانو سره وکتل
په دې ناسته کې د روغتیايي خدمتونو وړاندې کولو مرستیال سپارښتنه وکړه، چې د روغتونونو مسؤلین دې د اړوندو روغتونونو د درملو له ۳ تر ۹ میاشتنۍ اړتیاوې، چې طبي توکي او درمل په کې شامل دي د عامې روغتیا وزارت د تخصصي او ثالثي روغتونونو له ریاست سره شریک کړي؛ څو په اړه یې راتلونکي اجراات ترسره شي.
په دې ناسته کې همداراز د روغتونونو له مسؤلینو وغوښتل شو، چې د خپلو روغتونونو د اړتیا وړ یو اندازه درمل دې د عامې روغتیا وزارت د مرکزي سټاک څخه وغواړي؛ څو د ناروغانو روغتیايي ستونزو ته په سمه توګه رسېدنه ترسره او غوره درملنه یې وشي.
