ننګرهار کې د درملو له یو شمېر عمده پلورنځیو او شرکتونو څخه نظارت ترسره شو
یاد نظارت د ننګرهار عامې روغتیا ریاست څارنې او پلټنې امریت له لوري د جلال آباد ښار لومړۍ او دوهمې ناحیو اړوند، د درملو له یو شمېر عمده پلورنځیو او شرکتونو څخه ترسره شو، چې پایله کې ۷۰۰ کېلو ګرامه غیر مجاز او له نېټې تېر درمل راټول او مرکزي زیرمتون ته ولېږدول شول؛ ترڅو په نږدې راتلونکي کې د ګډ هیئت له لوري له منځه یوړل شي.
دغه راز نوموړي ټیم درمل پلورونکو ته سپارښتنه وکړه، چې له نېټې تېر بې کیفیته او غیر مجاز درملو له پلور څخه په کلکه ډډه وکړي او درمل په مناسب قیمت وپلوري.
