فراه ولایت کې د یو ملي سوداګر له لوري د شاوخوا ۳۵۰ زره ډالرو په لګښت يو روغتيايي (OPD) مرکز جوړ او ګټې اخېستنې ته وسپارل شو
د دغه روغتيايي مرکز د پرانیستې مراسمو کې د فراه ولایت د عامې روغتیا رئیس، مولوي شيخ مير "صدام" له یاد ملي سوداګر څخه مننه وکړه او په نورو ملي سوداګرو یې هم غږ وکړ، چې د ورته خیریه کارونو په ترسره کولو سره د هېواد د روغتیا برخې په پراختیا کې ونډه واخلي
یاد روغتيايي مرکز د فراه په انار درې ولسوالۍ ذهکن کلي کې جوړ شوی، چې د اړینو روغتیایي اسانتیاوو په لرلو سره به د سیمې خلکو ته روغتیایي خدمات وړاندې کوي.
