د هېواد په شمال ځتيځ زون کې خصوصي روغتونونو ته د اعتبار ورکولو او درجهبندۍ معیارونو پلي کولو درېورځنی روزنیز پروګرام پیل شو
په دغه روزنیز پروګرام کې د کندز، تخار، بغلان او بدخشان ولایتونو د خصوصي روغتونونو استازو ګډون کړی دی، چې په ترڅ کې به يې روغتونونو ته د اعتبار ورکولو او درجهبندۍ اړوند معیارونه او د هغو د عملي پلي کولو لارې چارې ګډونوالو ته وړاندې شي.
د دغه پروګرام د جوړېدو موخه د ګډونوالو ظرفیت لوړول، د روغتیايي خدمتونو کیفیت ښه والی او د ناروغانو د خوندیتوب پیاوړتیا ده.
د یاد روزنیز پروګرام د پرانیستې مراسمو کې خصوصي روغتونونو ته د اعتبار ورکولو او درجه بندۍ مسؤلينو په خصوصي روغتونونو کې د اعتبار ورکولو معیارونو پلي کولو پر اهمیت او د روغتیايي خدمتونو د کیفیت په ښه والي کې یې پر رول ټینګار وکړ.
