د لغمان پادپښ ولسوالۍ کې د ۱۷ میلیونه افغانیو په لګښت یو جامع روغتیايي مرکز جوړ او ګټې اخیستنې ته وسپارل شو
په همدې موخه جوړو شویو مراسمو کې د لغمان والي شیر احمد حقاني، د عامې روغتیا رییس ډاکټرسمیع الله عابد نیازي، د یو شمېر ادارو او مؤسسو مسئولینو، د بادپښ ولسوال، د یادې سیمې دیني عالمانو او قومي مشرانو ګډون کړی.
د لغمان عامې روغتیا رئیس، ډاکټر سمیع الله عابد نیازي وویل، یاد روغتیايي مرکز د (UNHCR) په مالي همکارۍ شاوخوا څلورنیم جریبه ځمکه کې جوړ شوی، چې د ۱۸ خونو سربېره شنه ساحه، د موټرو تم ځای او ګڼې نورې اسانتیاوې لري.
